विमल थापा भिलाई———
गुनान गोष्ठी के समीक्षा बइठका , कबीर भवन , रुआबांधा , भिलाई म श्री मनोज साहू के अध्यक्षता म रखे गीस ।
बइठका म आय-व्यय के संगे संग कार्यक्रम के परिणाम-प्रतिक्रिया उपर चरचा होईस।
बइठका म खाल्हे लिखाय निरनय घलो लेय गीस –
1) ब्लाक स्तर म संगठन के विस्तार करना ।
2) छत्तीसगढ़ के 90 विधायक, 11 लोकसभा सांसद , 5 राजसभा सांसद अउ जातिगत समाज के जम्मो मुखिया मन ल *छत्तीसगढ़ी भाखा ल काम-काज अउ पढ़ई-लिखई के भाखा बनाय जाय* बर पत्र अउ विधानसभा म सवाल-जवाब छत्तीसगढ़ी म करे बर पत्र (ज्ञापन) के माध्यम ले अवगत कराय जाही।
3) प्रचार-प्रसार बर सोसल मीडिया ल जादा से जादा बउरे बर ट्रेनिंग।
4) प्रदेश के राजगीत के गायन हरेक शासकीय अउ गैर शासकीय संस्था मं होवय।
5) छत्तीसगढ़ के मुख्यमंत्री दुवारा छत्तीसगढ़ी संस्कृति अउ तीज-तिहार म छुट्टी अउ मान सम्मान नइ देके , आन देस के तीज तिहार म छुट्टी देवत हे एकर निंदा प्रस्ताव मीडिया म करे जाही।
बइठका म मनोज साहू जी, ललित ध्रुव जी , राजेन्द्र रजक जी, राजेश साहू जी, घनश्याम गजपाल जी, गुलाब दास मानिकपुरी जी, कमलेश नेताम जी , मनीष नवरंगे जी , गुलाब देशमुख जी , लाला जंघेल जी , सोमेश्वर साहू जी , रमाकांत जी अउ सुबोध देव जी सकलाय रिहिन ।
बइठका म सचिव श्री ललित ध्रुव जी ह आय-व्यय के विवरण के साथ धन्यवाद ज्ञापन कर समापन के घोषणा करिन। 🙏🏽
